Held ekki. Á vef MyHeritage.com má finna býsna áhugavert veftól, nokkurs konar andlitsskanna sem les helstu sérkenni úr andlitum manna og ber þau saman við einkenni ýmissa frægra persóna, til að mynda leikara og söngvara. Ég hlóð upp þriggja ára gamalli mynd af mér í passamyndastærð, þá líktist ég meðal annars…… Hayden Christensen (58%), William Shatner (56%), Bela Lugosi (53%) og George Clooney (52%). Jú, ef grant er skoðað með opnu hugarfari og svolitlu ímyndunarafli, má ef til vill sjá einhver sameiginleg eða svipuð einkenni þarna. Síðar prófaði ég enn eldri mynd, eða líklega í kringum fimm ára gamla. Niðurstöðurnar voru fjarri því að vera þær sömu, því Seann William Scott (54%) var eini karlmaðurinn sem kom upp.

Á meðal kvenna sem ég líktist á þessum ævafornum myndum má nefna: Victoria Beckham (61%), Jennifer Love Hewitt (55%), og Mischa Barton (50%). Þess má reyndar geta að samanlagt komu upp fleiri myndir af konum en körlum. Hvort það eigi rætur sínar að rekja til kvenlegs andlitsfalls, eða yfirgnæfandi meirihluta kvenstjarna, veit ég hvorki né þori að fara með.

Hverjum líkist þú? ;)

Þessi færsla hefur verið lesin 409 sinnum