27. nóv. 2006
Að undanförnu hef ég prófað mig lítillega áfram með ýmsar gerðir af bjór. Guinness er ágætur, en svolítið vatnsbragð af honum. Tim Murphy, kunningi minn frá Írlandi benti mér nýverið á aðra gerð af dökkum bjór, nefnilega Beamish. Ég verð að segja, að eftir að hafa bragðað Beamish, finnst mér lítið koma til Guinness. Annars finnst mér hveitibjór ágætur líka, einkum þó hinn þýski Erdinger Weißbier.
Í öðrum fréttum má nefna kaup á reykjarpípu. Heima við, svæli ég nánast einvörðungu pípuna, en blessuð íþróttablysin eru jafnan tekin upp þegar ferðast er.
Heilsan í fyrirrúmi! 
Þessi færsla hefur verið lesin 442 sinnum
29. nóvember 2006 kl. 19:55
Ég er einmitt hrifinn af Erdinger… maður ætti etv að prófa Beamish, hef aldrei fundist Guinness úr dós góður… úr krana getur hann hins vegar verið fínn.
29. nóvember 2006 kl. 23:07
Ég hef ekki heyrt af neinum stað hérlendis sem selur Beamish (eða Murphy’s, sem ku vera jafnvel betri)) úr krana. En jafnvel úr dós finnst mér hann afar góður. Bara stinga honum í frystinn í svolitla stund.
30. nóvember 2006 kl. 12:03
Man ekki betur en bæði Murphys og Beamish séu seldir úr krana á Celtic Cross fyrir „sunnan„. Að vísu eru fyrirvarar þeir að það eru ansi mörg ár síðan ég heimsótti þennan stað og veitingahúsarekstur í Reykjavík er ekki beint þekktur fyrir stabílítet.
En þetta eru kostadrykkir báðir tveir og Erdingar líka. Annars ratar hinn belgíski Leffe æ oftar í körfuna hjá mér, bæði ljós og dökkur. Það væri fróðlegt að vita hvaða álit þú hefur á þeim.
30. nóvember 2006 kl. 16:01
Ég keyrði framhjá Celtic Cross síðla kvölds í einhverri heimsókn minni suður á þessu ári. Það var ást við fyrstu sýn.
Ég hef þó enn ekki komið þar inn.
Leffe er kominn á innkaupalistann. Hann getur ekki verið svo slæmur ef þú lofar hann.