21. feb. 2007
Dómsdagur
Skrifað af Sigurður Axel Hannesson undir Í dagsins önnPrenta | Senda færslu | 5 athugasemdir
Í morgun fór ég fyrir héraðsdóm til að bera vitni vegna hrottalegrar líkamsárásar þann 25. maí 2006. Ég var bæði spenntur og óundirbúinn, og almennt ekki vel fyrir kallaður. Málflutningur minn stóðst þó fyllilega samanburð við lögregluskýrslu tekna sama dag og atburðurinn átti sér stað. Því verður þó ekki neitað að smáatriðunum sem ég mundi hafi fækkað svolítið. Það var sérstök upplifun að vera þarna og fá að sjá árásaraðilana aftur. Fjarri því að vera notalegt. Er samt nokkuð ánægður og vona að þessi dagur marki lok málsins.
Þessi færsla hefur verið lesin 520 sinnum
21. febrúar 2007 kl. 17:36
Ég vona það líka fyrir þína hönd að þessu sé lokið núna… Þú átt skilið að geta verið glaður og efast ég ekki um að þetta hafi allt passað saman hjá þér við skýrsluna
Hafðu það gott ástin mín 
:*
21. febrúar 2007 kl. 19:42
Gott að þetta hafi gengið vel hjá þér!
Ég segi eins og Kolla, ég vona að þessu sé að verða lokið núna.
22. febrúar 2007 kl. 1:38
Kærar þakkir. Ég vona slíkt hið sama. Var dauðuppgefinn eftir aðeins hálftíma vitnisburð og upprifjun.
22. febrúar 2007 kl. 20:50
Vá, hvar getur maður eiginlega endað á þessu interneti?! Var á Barnalandi, svona eins og alltaf… og þá er linkað í síðu hjá Írisi,eitthvað kannast ég við hana og sé að hún er ennþá með Gústa, sem ég hitti fyrir ca 7 árum síðan, ákvað að tékka á hvort þetta væri nokkuð þú, og svo reyndist rétt vera.
Það er svo langt síðan ég sá þig en gaman að vita að allt gengur vel. Bið að heilsa Þeysa og Jan.
Kær kveðja: gömul vinkona.
22. febrúar 2007 kl. 22:42
Heimurinn er smærri en mann grunar yfirleitt. Gaman að þú skyldir villast hingað.