Vefdagbók Sigurðar

Eftir svínslega gott svín hjá Dóru föðursystur í gær fór ég til Dalvíkur. Keyrði aðeins um bæinn og fylgdist með mannlífinu úr hæfilegri fjarlægð. Mætti Oliver og Sigrúnu á rúntinum. Fór með þeim heim í kaffi og ís. Svo að skoða hús við Bárugötu 1. Stórt og reisulegt einbýlishús, ljósgult að lit með hvítum gluggum og hurðum. Fékk svo lánaða myndina Apocalypto hjá hjónunum áður en ég lagði af stað til Akureyrar.

Þegar ég kom heim byrjaði ég að horfa á myndina. Býsna áhugaverð, þó blóðug sé. Fór að velta fyrir mér hvort allar myndir sem Mel Gibson leikstýrir eða framleiðir séu svona grófar. Góðar, en blóðugar.