Það styttist óðum í Parísarferðina. Brottför kl. 7:40 í fyrramálið. Á fætur klukkan 4, og mæting á völlinn 5:40. Ég er búinn að innrita okkur íflugið á vef Icelandair, sem reyndist afar einfalt. Nú er aðeins spurning hvort allt annað verði eins einfalt. ;)

Það ætlar þó að reynast öllu erfiðara að staðfesta kvöldsiglinguna okkar hjá Viator. Fyrr í vikunni hringdi ég út til að staðfesta ferðina, og það var ekkert mál. Var þó beðinn um að hringja aftur í gær til að endurtaka staðfestinguna. Það dróst til dagsins í dag. Þó fór svo að stúlkan þóttist ekki finna bókunina okkar í kerfinu, og vildi fá miðann sendan með faxi eða bréfpósti. Ég benti henni á að við færum í fyrramálið, og því kæmi bréfpóstur ekki til greina. Þá benti hún mér á að senda þetta frá hótelinu. Vonandi dugir það til.

Að lokum… Góða helgi! :)

Þessi færsla hefur verið lesin 361 sinni