Ótrúlegt hve tíminn líður hratt! Ég hef ekkert skrifað hér svo mánuðum skiptir, og ef Óli hefði ekki verið svo vænn að minna mig á, hefðu eflaust liðið einhverjir til viðbótar.

Árshátíð Stjórnarráðsins var í febrúar, mikil veisla og skemmtileg. Heimförin var þó ekki eins ánægjuleg; varð fótaskortur á svelli og braut á mér hægri höndina (ekki handlegginn). Losnaði úr viðjum gipsins á mánudaginn og settur í spelku í staðinn. Hún er ekki til neinna stórræða enn, svo þessi færsla verður í styttri kantinum.

Í gær undirrituðum við hjúin heilmarga pappíra (sem mér fórst ekki sérlega vel úr hendi!). Nú er íbúðin í Fífuselinu okkar eign, eða svoleiðis. Við eigum náttúrlega bara skuldirnar, eins og svo margir aðrir. :)

Þessi færsla hefur verið lesin 139 sinnum